Оваа крем супа од цвекло има преубава јака розово-црвена боја, вкусна е и многу здрава. 

Состојки:

• 800 грама цвекло
• две лажици масло за готвење
• две лажици сок од лимон
• 1/2 л. млеко
• сол и бибер
• 5-6 ореви потпечени, столчени
• неутрална павлака
• литар вода

Подготовка:

Цвеклото излупено се сечка на коцки и се става во тенџере, му се додаваа маслото за јадење и сокот од лимон, се затвара со капак и се остава 15 минути на средна температура, да се динста. Потоа се додава водата и се остава на оган да се свари цвеклото. Кога е сварено цвеклото се вади со решетка лажица и се става во блендер да се испасира. Пирето од цвекло се враќа во тенџерето му се додава млекото и се остава да врие 5 минути. Се зачинува со сол и бибер по вкус и топла се сервира. Во тањирот кога ќе се сервира се тура малку неутрална павлака и одозгора се наросува со толчените ореви.

Наздравје!