Ред бисквити, ред крем, бела снежна торта за разладување во топли денови е прекрасен десерт. Лесна и брза  за подготовка, лесна за насладување👌🏻

Состојки:

• 500 мл. слатка павлака
• 2 јајца
• 5 лажици шеќер
• 500 гр. бисквити
• 200 мл. млеко

Подготовка:

Во длабок сад се матат јајцата со шеќерот, откако ќе се направи пена се додава слатката павлака и се продолжува да се мати, додека стане густ кремот.

Во длабок сад  се става ред од бисквити претходно потопени во млако млеко (може и во кафе), потоа се става крем врз бисквитите, па повторно ред бисквити, крем одозгора и трет ред бисквити, се премачкува со останатиот крем, се наросува со рендано чоколадо и се става во фрижидер да се олади најмалку 30 минути пред конзумирање. Се чува во фрижидер.

Наздравје!