Крцкав, сочен, полн со бадеми и суво грозје, прекриен со сатенски крем од ванила и шлаг е овој кадаиф.

Состојки:

• 500 гр свеж кадаиф
• 200 гр путер
• 150 гр бадеми печени
• 100 гр, суво грозје отстоено во рум.

Шербет:

• 750 гр шеќер
• 1 л вода
• по избор малку сок од лимон
• ванилин шеќер

Крем-ванила:

• литар млеко
• 13 лажици шеќер
• Јајце
• 5 лажици густин/брашно
• 2 пакувања ванилин шеќер

• •  Декорација:
    • 200 мл. слатка павлака

Подготовка: Кадаифот искршете го на ситно. Се топи путер и се посипува кадаифот. Се промешува со раце, за да се впие путерот. Нанесете половина кадаиф на тава, потоа ставете од оревите и сувото грозје, па врз нив ставете го останатиот кадаиф. Печете во загреана рерна (180 ° C) околу 20 минути додека кадаифот не добие златно-жолта боја. Додека се пече кадаифот, направете шербет.

Шербет: Откако ќе зоврие шеќерот со водата, додадете две резанки лимон, варете го уште 15 минути, за да стане густ. Потоа истурете го шербетот над печениот кадаиф.

Крем – ванила:

Литар млеко, со десет лажици шеќер, се вари до зовривање,  потоа се додава постепено претходно подготвена смеса од едно јајце матено со три лажици шеќер, пет лажици густин и 50 мл. ладно млеко. Температурата постепено се намалува, кремата се меша непрестано додека да згусне. Пред крај во кремот се додаваат две пакувања ванилин шеќер. Оладен филот се истура врз кадаифот и цел се прекрива, се остава еден час да се излади. Изматете 200 мл. слатка павлака и декорирајте го кадаифот над оладениот фил, потоа посипете со бадеми.

Наздравје!