Вкусот од печен бадем, мед, чоколадо и урми е незаменлив, за мене најдобра комбинација.
Овие колачи брзо се подготвуваат и не се печат, по вкусот ме потсетија на тоблероне, затоа така ги нареков. Посни се и многу слатки за конзумирање.
Потребни состојки:
- 200 гр. овесни снегулки мелени
- 100 гр. бадеми печени, мелени
- 200 гр. урми пасирани со 50 мл. oризово / кокосово млеко
- лажица путер од кикирики
- две лажици какао
- две лажици мед
- 100 гр. стопено темно чоколадо за глазура
Подготовка:
Во длабок сад се тураат сувите состојки :овесните снегулки мелени, се додаваат мелените бадеми, претходно во сува тава ги потпекувам на силен оган со мешање и какаото. Се меша, па се додаваат испасирани урмите со млеко, путер од кикирики и мед. Се добива леплива смеса која се тура врз хартија за печење, одозгора смесата се преклопува со хартијата и со сукало се развива кора да се добие дебелина по ваша желба, само да не емногу тенко, дека смесата е мека и ќе се деформира. Потоа се сечат во саканата форма, јас ги сечев кругчиња со мала чашка, се ставаат во фрижидер за замрзнување и се оставаат 15 минути.
На пареа се топи чоколадото, кога ќе се олади се прекрива секое колаче, се украсува по желба, додека е меко чоколадото.
Наздравје!
