Во македонската кујна постојат јадења што со својата едноставност освојуваат на прв залак. Макалото со компири и суви пиперки е токму таков рецепт – скромен по состојки, а богат по вкус. Мирисот на лук и варени пиперки, соединет со мекоста на компирот, создава совршена домашна хармонија што потсетува на трпезите од минатото. Ова макало најчесто се служи како прилог со риба, месо, но подеднакво е вкусно и како самостоен оброк, со парче свеж, топол леб.
Состојки:
-
500 грама варени компири
-
5 суви пиперки (сварени заедно со компирите)
-
3 чешниња лук
-
1 лажица сол
-
30 мл масло
Подготовка:
-
Компирите излупете ги и сварете ги во солена вода. Во истата вода додадете ги сувите пиперки и варете ги додека омекнат.
-
Исцедете ги компирите и пиперките, а течноста зачувајте ја на страна доколку е потребно за прилагодување на густината.
-
Во длабок сад или аван толчете го лукот, солта и лажица масло, да стане кремаста смеса.
-
Додадете ги компирите и пиперките и испасирајте ги додека не добиете изедначена смеса. Доколку сакате покремаста структура, постепено додавајте по малку од водата во која се вареле.
- На крај потурете го макалото со врело масло.
-
Послужете го макалото додека е свежо и ароматично.
Ова традиционално македонско јадење ќе внесе топлина и автентичен вкус на вашата трпеза. На здравје!
