ЗимницаРецептиСлатка и џемови

Џем од кајсии – ненадминат вкус и мирис

Слатко- киселкаст, сатенски и неповторлив вкус има џемот од кајсии.

Потребни состојки:

  • 5кг. кајсии
  • 1кг. шеќер

Подготовка:

Измиените и исчистени од семки, кајсиите се редат во тенџере: ред кајсии, ред шеќер, за потоа да се покријат со капак и да се ставаат да одстојат во фрижидер 12 часа.

По тоа време тенџерето се ставаат на силен оган, а откако кајсиите со шеќерот ќе почнат да вријат, се меша цело време, се вади пената, а по желба може и да се испасираат кајсиите, за да нема големи парчиња.

За околу 30 минути џемот е готов, се чуствува кога се двои од лажицата. Тогаш џемот се тргнува од оган, за уште додека е топол да се става во тегли (претходно измиени, ставени во тепсија, во загреана рерна, на 100 Ц).

Откако топлите тегли ќе се наполнат со џемот, се затвараат со топли капачиња и повторно се ставаат во рерна која сега е исклучена, за таму да останат цела ноќ, да се оладат. Потоа се складираат во просторија, каде се чува зимница.

Највкусното лепче е намачкано со џем од кајсии, а со топли палачинки, задолжително!/Б.Б.

Дали ви се допаѓа рецептот?

Ми се допаѓа
11
Не ми се допаѓа
1

Leave a reply

Your email address will not be published.

Next Article:

0 %