Оваа комбинација од маскарпоне, бадеми и смокви создава волшебен десерт што ги плени сите сетила.

Состојки за подлога:

• 300 грама мелени бисквити

• 150 грама растопен путер

• 60 мл млеко

• 150 грама потпечени сечкани бадеми

• 150 грама суви смокви (варени 10 минути и испасирани)

Состојки за крем:

• 400 грама маскарпоне или крем-сирење

• 100 грама шеќер во прав

• 500 мл слатка павлака

• 1 лажица екстрат од ванила

• 20 грама желатин

• 10 лажици ладна вода

• 100 мл врело млеко

Подготовка:

Сите состојки за подлогата се соединуваат и се натапкуваат во калапот (25 см) и се остава да се стегне во фрижидер, додека се подготвува кремот.

Маскарпонето или крем-сирењето се мати со шеќерот во прав и со екстрактот од ванила, потоа се додава претходно изматената слатка павлака и се меша со шпатула за убаво да се спои.

Во чашка со 10 лажици ладна вода се раствора желатинот, потоа се додава во врелото млеко и се меша да се сврзе. Изладено се додава во кремот и се меша. Кремот се нанесува во калапот врз подлогата, одозгора се измазнува и се остава повторно во фрижидер да се стегне минимум 6 часа, најдобро е преку ноќ да отстои. Кога кремот ќе се стегне и ќе добие идеална текстура, одозгора се редат парчиња од свежи смокви и потпечени сечкани бадеми што му даваат завршна декорација на овој чискејк. Десертот е подготвен за да се послужи, создавајќи ви задоволство и радост при секој залак.

На здравје сладење!