Во тенџере се тураат маслото и водата и се оставаат да зовријат. Кога ќе зоврие течноста се трга тенџерето од огнот, се додава брашното и се меша со миксер да се соедини смесата. Постепено се додаваат јајцата додека се мати со миксерот. Кога ќе се стави 5 -то јајце ако смесата  стане потечна, не се додава 6-то јајце, бидејќи се зависи од брашното како ја апсорбира течност. Смесата која е мека, но не смее да е многу течна,  се става во торбичка за шприц. Во тенџере со повеќе загреано масло се пуштаат во форма на кругови од смесата со шприцот. Кога добиваат златеста боја се вадат со цедалка и се става на хартија да се отстрани маснотијата. Топли се валкаат во мешавина од шеќер и цимет.

Се служат по желба: со кремови или џем./Б.Б.