Кремаста, чоколадна торта, брза за подготовка, без печење. Јас ја направив со ореви, но следниот пат ќе ја правам со бадеми. Вие правете како си јадете најмногу.

Потребни состојки:

• 200 грама чоколадо за готвење,
• 100 грама темно чоколадо,
• 600 мл слатка павлака,
• 300 грама мелени ореви (бадеми или лешници),
• 300 грама мелени бисквити,
• 200 грама путер на собна температура.

Начин на подготовка:

ФИЛ: Во тенџере се ставаат 200 грама чоколадо за готвење и 500 мл слатка павлака, на појака температура со мешање да се стопи чоколадото. Откако е стопено се трга на страна да се олади. Оладено се мати со миксер да стане кремасто. Во кремот се додаваат 100 грама мелени ореви и 100 грама мелени бисквити и се меша се заедно.

ПОДЛОГА: Во длабок сад се ставаат 200 грама мелени бисквити, 100 грама мелени ореви и 100 грама путер. Се заедно се меша да се сврзат состојките, ако е многу суво се додаваат 2-3 лажици млеко. Оваа смеса се тура во 22 см. модла за торти, со лажица се притиска смесата да се распореди насекаде.

• Врз подлогата го ставаме филот.

ГОРНИОТ СЛОЈ: Во длабок сад се ставаат 100 грама мелени бисквити, 100 грама мелени ореви и 100 грама путер. Се заедно се меша да се сврзат состојките. Овој слој треба да е сув, песоклив.

• Врз филот се тура овој песоклив слој.

ПРЕЛИВ: Во тенџере на  силен оган се става 100 грама темно чоколадо и 100 мл слатка павлака. Се меша се додека не се стопи чоколадото.

• Врз песокливиот слој се тура топол преливот. Откако преливот ќе се олади, тортата се става во замрзнувач да стои најмалку час. Потоа се вади, се украсува со јатки ореви и се  служи. Се чува во фрижидер за одржување.

Наздравје сладење! /Б.Б.

Bobe’s bakery

Bobe’s bakery

Bobe’s bakery