Корка крцкава, тенко тесто, додека се пече на опоен мирис на пица🍕мириса целиот дом.

Состојки за тестото:

• 800 гр. брашно,
• 300 мл. вода,
• 10 гр. свеж квасец,
• мала лажичка сол,
• лажица шеќер
• лажица маслиново масло.

Состојки за филот:

• изблендирани 250 гр. долгнавести домати (пелати),
• 250 гр. моцарела
•  листови босилок.

Подготовка:

Тестото се замесува на меко. Се покриваа со крпа и се оставаат да стасаат, најмалку 30 минути. Потоа тестото се дели на пет дела. Се формираат топчиња, се редат на набрашнета површина, се покриваат и се оставаат да стасаат 1 час. Или ако се прават подоцна се намастуваат и се ставаат во фрижидер покриени со стреч фолија. Од секое топче се формира круг од 24 цм, кога се зема топчето тесто не се премесува, бидејќи тестото ќе стане тегаво и нема да може да се развлече, туку на набрашнета површина со прстите се притиска во средина на топчето, за од страна да остане витка и се формира круг, се филува и се реди на намастена тава или на хартија за печење.

Се печат во загреана рерна на 250Ц, 10 минути, додека се прошири најубавиот мирис во вашиот дом.

Наздравје!/Б.Б.

🎥 На следното видео може да го погледнете начинот на подготовка: