Мали, слатки и пред се вкусни, без печење,  без шеќер, брзи за подготовка се мињоните. Секогаш добредојдени за родендени, празници, слави и сите други прослави. Добредојдени се и за крај на неделниот ручек.

Потребни состојки:

• 500 гр. урми свежи (ситно сечкани)
• 200 гр. ореви мелени
• 300 гр. бисквити мелени
• сок од портокал
• 200 гр. чоколадо за готвење (за глазура)

Подготовка:

Се мешаат урмите, оревите, бисквитите и сокот од портокал.

Силиконската модла за мињони се премачкува со еден слој стопено чоколадо, па се става 5 минути во замрзнувач, да се стегне чоколадото. Истата постапка се повторува и втор пат. Силиконските модли се вадат од замрзнувач за да се наполнат со смесата од урми, ореви и бисквити, па се ставаат во замрзнувач околу 10 минути. Мињоните се вадат од модлите и се сервираат со зашеќерен портокал. Доколку немате модли, се формираат топчиња од смесата и секое се става во стопено чоколадо. Јас ги декорирав со зашеќерени кори од портокал.

Наздравје!