Јадење што ја спојува традицијата со мирисот на домот

Во секоја кујна постои рецепт што го буди чувството на топлина и семејна атмосфера. Печениот крап, со својот богат вкус, е токму такво јадење – едноставно, но впечатливо.

Потребни состојки:

• 1 праз
• 1 црвена и 1 зелена пиперка
• 2–3 чешниња лук (ситно исечкани)
• 3 ловорови листови
• 3 моркови
• околу 15- 20 млади компири
• морска сол и црн бибер
• котлети од крап
• сол, црвен пипер и рузмарин (за рибата)
• 150 мл бело вино
• 150 мл доматен сос

Начин на подготовка:

На подмачкана тава рамномерно ги распоредуваме празот, пиперките, лукот, ловоровиот лист, морковите и младите компири. Посолуваме со морска сол и бибер. Котлетите од крап ги зачинувачуваме со сол, црвен пипер и рузмарин, па ги редиме врз подготвениот зеленчук. Се полева со белото вино и доматниот сос.

Тавата се покрива со алуминиумска фолија и се пече 30 минути на 220°C. Потоа фолијата се отстранува и јадењето се допекува уште 10–15 минути, додека рибата не добие убава, златна боја.

На здравје!